D Pferdeprüefig

Am 21. Mai sind mir vom Baz. 1 zämä mit em Classic und der Ashley uf St.Galle ad Pferdeprüefig.

Es isch für üs alli öppis Neus gsi und mer hend üs uf en spannende Tag gfreut.

Spannend isches denn au gsi: Am Morgä hemmer no mitem Classic trainiert und churz nochem Mittag hend mer üs denn uf de Weg gmacht. DFrau Cudermann und d Dacapria sind als Unterstützig mitcho.

Kum acho isches denn au scho los gange. D’Ashley isch usglade worde und mer hend si wölle richte. Aber irgendwie, het sie alles viel spannender gfunde als ruhig z stoh und sich vo üs richte z loh. 

Irgendwie hend mers denn am Schluss doch no in Zirkel gschafft & döt het sich d Ashley denn au zemegrisse und iri Turnierross-Qualitäte zur Schau gstellt.

Denn isch de Classic dracho. De het üs überrascht; Ihn hend die viele Idrück vo usse zimlich chalt loh und er het sich wie en Profi ,sehleruhig vo üs richte loh. Au vor de Richter het er e super Figur gmacht .

Mir sind mega stolz uf die Zwei! Mit es blizli Training werdet sie sicher mol zwei verlässlichi Turnierross. Mir chönd de Tag in bester Erinnerig bhalte und freuet üs scho uf wiiteri Starts mit em Classic und de Ashley.

 

Nathalie Nitsingam 

Kommentar schreiben

Kommentare: 0